konplize ditut eta....

"KONPLIZE DITUT ETA....."

MIKEL MARKEZen "Indar bat dabil hor" lanean jasotzen den "Konplize ditut eta" abestiarekin

 egindako aurrerapen bideoa, Aire Ahizpekin kantaturikoa.

M

Abestiaren letra

Emakume zuzenak,

okerrak, kirtenak,

moja txintxoak eta

zerrama irtenak,

itsusiak, politak,

atletak, herrenak:

konplize ditut eta

maite ditut denak.

Langileak, alferrak,

lanik ez dutenak,

tuntunak, mediokreak,

klaseko lehenak,

ale desegokiak,

andre txit gorenak:

konplize ditut eta

maite ditut denak.

Amak onak ta txarrak

ama ez direnak,

lurrera jausi arte

mozkortzen onenak

ta umeen merienda

usaina dutenak:

konplize ditut eta

maite ditut denak.

Lotsatiak, ausartak

argalak, gizenak,

iletsuak, soil-soilak,

marimutilenak,

katemeak, gorilak

panterak, zezenak:

konplize ditut eta

maite ditut denak.

Markesaren alabak,

neskame gizenak,

printzesak ta sorginak,

ogroak, sirenak,

Maritxuak, Bartolo

itxura dutenak:

konplize ditut eta

maite ditut denak.

Lehen munduko emeak,

kapitalistenak,

lur usaia daukaten

andre indigenak,

zuri, gorri, horiak,

beltzetan beltzenak:

konplize ditut eta

maite ditut denak.